اهم القوانين المرتبطه بشغل الـ HR الشاطر
ما ينفعش تبقى شغال فى شئون الموظفين أو البيرسونال أو الأتش أر بشكل عام وماتعرفش إيه هى أهم القوانين المرتبطة بشغلنا ؟؟🤔 🤔
وكمان لازم تعرف إنك بتشتغل بكذا قانون مش قانون واحد بس 😉
وعشان كدا فى البوست ده هنتكلم عن القوانين اللى ليها علاقة مباشرة بشغلنا .. ف يــلا بينــااا 💪✌
1- قانون العمل رقم 12 لسنة 2003 📓📓
وده للعاملين بالقطاع الخاص وفيه كل الأمور اللى بتحكم العلاقة بين طرفى العمل اللى هو العامل وصاحب .
2 - قانون التأمينات الأجتماعية رقم 148 لسنة 2019 🚑🏥🔬
وده عبارة عن مظلة كبيرة لجميع العاملين فى الدولة بمختلف قطاعاتها تحت مظلة تأمينية واحدة وحمايتهم وأسرهم من مخاطر العجز و الشيخوخه والوفاه ومخاطر المرض والاصابات والبطالة .
3- قانون الطفل رقم 126 لسنة 2008 👶🏻👧🏻
واللى فى باب خاص بيعرفنى أتعامل إزاى لو شغلت عندى أطفال.. وباب تانى إسمه المرأة العاملة وازاى أتعامل مع المرأة من حيث ساعات تشغيلها وإجازة الوضع ورعاية الطفل الخاصة بيها.
4- قانون الخدمة العسكرية رقم 127 لسنة 1980 👮🏻♂💂🏻♀
واللى بيعرفنى إزاى أتعامل مع الموظف لو جاله إستدعاء لأداء الخدمة الوطنية أو استدعى للأحتياط وهتعامل مع مرتبه وتأميناته ازاى فى كل حالة.
5- قانون الضرائب على الدخل رقم 91 لسنة 2005 💰💵💳
وده مرتبط بحساب ضريبة الدخل على المرتبات وخاص بشغل قسم البايرول واللى بيعرفنى أنا هخصم من الموظف كام كضرائب على الدخل .
6 – قانون ذوى الإحتياجات الخاصة ♿♿
وده بيتكلم عن نسبة ال5% الإلزامية على أصحاب المنشات بتعيين هذه النسبة من العاملين لديها ويكونوا ممن يعانون من نسبة إعاقة وذلك بناء على شهادة تأهيل مهنى تمنح لأصحاب هذه الاعاقات ولحماية حقوقهم فى العمل .
7 – قانون التامين الصحى الشامل رقم 2 لسنة 2018 🏥🏥
وده اللى هيكون مكمل لمنظومة التأمين الصحى وبشكل أكثر جودة وهيطبق حسب خطة موضوعة من الدولة تدريجياً لتعميمها على جميع محافظات مصر واللى بدأت حاليا بمحافظة بورسعيد واللى هتكون ليها نسب اشتراكات مختلفة عن نسبة الاشتراك فى التامين الاجتماعى فيما يخص الخدمة الطبية .
وبكدا نكون استعرضنا جميع القوانين الهامة والمرتبطة ارتباط مباشر كشئون موظفين وبيرسونال وأى حد عاوز يكون شاطر فى الجزئية دى ...
#Hussien_Adel
ليست هناك تعليقات:
إرسال تعليق