انواع الضرائب في مصر من منظور معارض
1دخل تصل 22.5% معموله على صافى الربح وفى شويه مصاريف ما بيعترفوش بيها براحتهم
2قيمة مضافة بيلبسها المستهلك النهائى سلع وخدمات وجدولين كده واحد تقف عنده الضريبه وواحد تتضاف عليه الضريبه العامه بتاعتها 14 وآخرها حاجه وخمسين إعفاء لسلع
3دمغة ودى لأى متر او ورقه أو صرفيه إلى هى الطابع بتاع زمان اى هرس نطلع منه فلوس
4رسم تنميه اقل حاجه فيها 2جنيه على الفاتوره الواحده برده سكة يطلع بيها اى فلوس
5 خصم من المنبع ودى توريده 1% خدمة 3% مهن حره 5% دى معموله علشان يسلمك للضرائب تسليم أهالى وابقى خد بقية حقك من الفلوس إلى ليك وانت بتعمل الإقرار السنوى بس هتلف تلم فى اشعاراتك من كل فج عميق يعنى هتدفع تمن إلى هتاخده مواصلات بس بأمانة فاتحيلك ميزه اسمها الدفعات المقدمه تدفع علشان تاخد البشويه بتاعت زمان وتتعفى من الهرس ده يا تلحقها يا متلحقهاش لأنها قبل 60يوم من نهاية السنة الماليه ومينفعش تكون خسران وتاخدها هتحسب ال60%من الضريبه المستحقه بتاعتك ازاى
6كسب العمل وده على شرائح ليك إعفاء واعباء ب24000 وبعدين تتدرج باه 2.5% 10% 15% 20%22.5% 25% حسب دخلك بقى
7الضريبه العقاريه وليك عقارواحد معفى لغاية 2مليون قول دى اهيفهم بياخد منك على العقار التانى لو ب2مليون 2500 بس يا ويلك لو بعت حاجه عندك زيه زى السمسار ياخد منك ضريبة تصرفات عقاريه 2.5%
وقانونيا باختصار بيقول س ر ج 6036810
وتفسير س السعر السوقى ر الراسمالى ج الايجارى تضربه فى 68% وتطلع الوعاء تضربه فى ال10% وظبط الخزانه
8المساهمة التكافليه دى بقى سرسوب كده علشان تصرف على الصحة كمان دى بسيطه تلم ايرادك كله وتضربه فى نسبه هبله كده 2.5/1000 تخصمه لا ما يتخصمش من المصروف ده واجب منك يا راجل
9آخرها بقى فاتوره الكترونيه ودى معموله علشان اشوف ايرادك ومصروف إلى قدامك والضرائب تقعدلك فى النص حتة جبنه من هنا وحتى جبنه من هنا واخير الايصال إلى هيمسك الأفراد فى بيعته للمستهلك الاخير وهنا جابك بقى من تحت بير السلم
10منظومة ضريبيه وبورتال ضرائب وerp ولوصه يا باشا اكود ازاى وافعل ازاى وختم ولاتوقيع الكترونى طيب المقاصه ولا ايجى المهم ادفع اشتراك المنظومه واشتراك التوقيع وهات شركة تدخلك erp يترجم فواتيرك للمصلحة مع أن العالم كله شغال ابلكيشن والتوكن بيتوزع مجانى فى البنوك وليله يا باشا واصرف واجتهد واصنع المجد ما انت شغال فى المفاعل النووى
خلصت تعالالى فى الفحص باه قولى إلى مكنتش اعرف فى لغوياته حاجه وادفع يا باشا بغرامتهم كأنهم كانوا فى البنك بس بامانه كل فتره كده بيعملنا حاجه كده زى اليانصيب او اللوترى مره يقولنا ادفع أصل الدين واعملك تجاوز عن الغرامات 100% ومره 65% ونجرى علشان نلحق الأوفر أو العرض هيشيل الغرامات يا جدع مانا هتسجن وهتشرد الحق بقى
منقول
ليست هناك تعليقات:
إرسال تعليق