أهم البنود وانت بتشتري شقة استلام فورى
أهم البنود وانت بتشتري شقة استلام فورى 🔻🔻🔻
***رخصة العمارة الشقة فى دور الرخصة ولا بره الرخصة ولا تشترى شقة فى مبنى مخالف ولو بثمن بخس.
لو بره الرخصة لازم يكون فى تصالح نموذج ١٠ وتجيب قياس يقيس الشقه عالطبيعه ويتكتب لها حصه بالارض أو عالمشاع
والعدادات تكون موجودة وهناخد اخر إيصالات اللى ادفعت
****نسئل الجيران عن صاحب الشقة وهنسئل اتحاد ملاك العمارة لو الشقة عليها مديونية
****لوالمالك متزوج تمضى شاهد على العقد لان ممكن الزوجة تكون عاملة قضية تمكين من الشقة فبيلحق يبيعها وحتلاقي تنفيذ حكم وتتمكن من الشقة
لو الحكم بتاعها قبل تاريخ عقد البيع
****لو الشقة ورث لازم كل الاسماء فى اعلام الوراثة يمضوا على العقد وناخد بالنا لو فى قصر الواصى يمضى مكانه
*****هنتاكد من تسلسل الملكية وده اهم شيء من اول اسم المالك اللي مسجل في الرخصه حتى اللي المالك الاخير يعني لو 20 عقد بيع لازم تاخدهم صور مع وجود
صحة توقيع او صحة ونفاذ لكل عقد
*****مهم فى العقد يتكتب بيانات الشقة رقم العقار والدور ورقم الشقة وحصة الشقة في ارض المبني ويكون مذكور ده في كل العقود في تسلسل الملكية
******* لو هندفع كاش هنستلم فورا بند يتعهد البائع ان الشقة معلهاش اي نزاع قضائى وزود شرط جزائي ضعف قيمة العقد
**** الثمن إلى ادفع يتكتب بنفس الرقم لان البائع هم المسئول عن الضريبة مش المشتري
****وجود محامى من طرفك لا يعرفه البائع هيوفر عليك وقت ومجهود وتجنب النصب
**** عمل للعقد صحة توقيع وده مجرد اثبات تاريخ واثبات ان شخص البائع هو اللي وقع على العقد وليس اثبات للملكية
انها عقد وصحة ونفاذ هو اثبات للملكية في المحكمة والاكثر اثباتا هو التسجيل فى الشهر العقاري
