أهم 6 خطوات لنجاحك كمدير مالي جديد؟؟؟
منقول من /
عارف إيه أكبر فخ ممكن تقع فيه كمدير مالي جديد؟ إنك تبدأ تجري بسرعة قبل ما تعرف الطريق كويس.
الناس كتير بتفتكر إن أول خطوة هي إثبات النفس، لكن الحقيقة إن أول خطوة هي الفهم. ولو عايز تبدأ بداية صح، ركز معايا في الخطة دي، لأنها ممكن تكون الفرق بين النجاح أو إنك تضيع وسط التفاصيل.
1. Meetings with Stakeholders:
اسمع قبل ما تسأل
أول حاجة لازم تعملها هي الاجتماعات مع أصحاب المصالح (Stakeholders). زي مدراء الأقسام، و كمان العملاء الكبار (Top Clients) والموردين الرئيسيين (Top Vendors).
متستعجلش بالكلام، اسمع منهم كل حاجة عن:
- نموذج العمل (Business Model): إزاي الفلوس بتدخل وتخرج في الشركة؟
- خطة العمل (Business Plan): الشركة رايحة فين وبتخطط لإيه؟
- البدجت (Budget): إيه الأولويات اللي حاطينها في الفلوس؟
- التمويل (Funding): الشركة بتتمول إزاي؟ أو إيه خطط التمويل المستقبلية؟
نصيحة ذهبية: في المرحلة دي، اسمع أكتر ما تتكلم، وماتديش وعود أو التزامات خالص، لإنك ببساطة لسه في مرحلة الفهم.
2. No Promises, No Commitments: متعشمش حد في أي حاجة
كتير من المديرين الجدد بيحاولوا يثبتوا نفسهم بسرعة، فيبدأوا يوزعوا وعود، سواء بتحسينات أو توفير تكاليف. هنا الفخ!
ما توعدش حد بأي حاجة قبل ما تكون فاهم كل جوانب الموضوع. انت لسه في مرحلة استكشاف، ومش مطلوب منك دلوقتي غير إنك تستوعب الصورة الكبيرة.
3. Identify Key Elements:
اعرف أهم المفاتيح للبزنس
- Top Clients: أهم العملاء: مين اللي بيدخلوا أكبر إيرادات؟ ليه بيشتروا مننا؟
- Top Vendors: أهم الموردين: مين اللي بيعتمد عليهم البزنس بشكل أساسي؟
- Top Products: أهم المنتجات: إيه المنتجات أو الخدمات اللي بتحقق أكبر هامش ربح؟
معرفة المعلومات دي هتديك خريطة الطريق لفهم الإيرادات والمصروفات بشكل أوضح.
4. Executive Financial Performance Dashboard:
خليك دايماً في الصورة
ابدأ مع الـ CEO من أول يوم واعمل له Dashboard للأداء المالي. ليه؟ لإن الـ CEO عايز يشوف الصورة الكبيرة بشكل سريع ومباشر. الـ Dashboard ده لازم يعكس:
- مناقشاتك مع الـ CEO
- توقعاته (Expectations)
- توجهاته (Directions)
- رؤيته (Vision)
اعتبر نفسك خط الدفاع الأول والأخير (First and Last Line of Defense) للشركة، ولازم تكون إيدك على النبض من أول يوم.
5. Policies and Procedures:
أسس قواعد اللعب
بعد ما تكون فهمت الصورة الكبيرة، تقدر دلوقتي يا بطل تشتغل علي تحديث أو تطوير السياسات والإجراءات المحاسبية والمالية (Accounting and Finance Policies and Procedures).
ده اللي هيضمن إن كل حاجة ماشية على قواعد واضحة ومحددة.
6. ERP Systems Market Analysis:
خد وقتك قبل ما تختار
قبل ما تجري وتشتري أي نظام ERP، اعمل تحليل للسوق وشوف إيه الأنظمة المتاحة وإيه اللي يناسب شركتك. كتير بيقعوا في فخ شراء أنظمة مكلفة جدا" ومش مناسبة لحجم أو طبيعة البزنس.
اسأل - استشير - في ناس كتير في نفس المجال ممكن تساعدك وتفيدك في الموضوع دا.
لو وصلت لحد هنا - يبقي هتقدر تجاوب علي السؤال دا:
لو طلب منك الـ CEO وعود من أول اجتماع… هتقول إيه؟
ليست هناك تعليقات:
إرسال تعليق