اجراءات مسئولين شئون العاملين في القطاع الخاص للعام الجديد
1- جهز اجر الاشتراك التامينى الجديد اللى هيزيد بنسبه 15% على الحد الادنى والاقصى ومتنساش ان الحد الادنى هيبقى 1400 ج والحد الاقصى 9400 ج
2- حضر س2 من 3 نسخ وارفق معاها صوره من البطاقة الضريبية ولو عندك عدد عمال اكثر من 500 موظف اعمل نسخه على اسطوانة ومتنساش تقدمها قبل 15 فبراير.
3- جهز شيك اعانه الطوارئ ومتنساش تقدمة قبل يوم 15 يناير . . ومتنساش ان الحد الادنى للاجر الاساسي بقى 320 والحد الاقصى بقى 2060..
4 - حضر رصيد اجازات العاملين الجديد ومتنساش ترحل رصيد السنه السابقه راجع ماده 48 قانون العمل ولو عديت 3 سنوات متنساش تصفر الرصيد السنوى وادى الناس فلوسها ..
5- جهز بيان القوى العاملة بعدد العاملين ومؤهلاتهم وبالمهن والاجور والارقام التامينيه والوظائف الشاغرة واحتياجات منشاتك من التدريب .
6- جهز شيك حصيلة الجزاءات للمؤسسة الثقافية العمالية والاجتمتاعية .
7- جهز شيك صندوق التاهيل والتدريب 1% من صافى الربح .
8- جهز مرتباتك الجديده وزود العاملين 3% من اجر الاشتراك التامينى كحد ادنى او 7% من الاجر الاساسي ( شوف ايهما اكبر ) خليك حلو ٠ ...وده طبعا بحد ادنى 60ج.
9- جهز شيت الضرايب واشتغل الضرايب على المرتبات الجديده وجهز نفسك علشان هتشتغل فى تسوية الضرائب السنه السابقة .
10- وزع خطه التدريب على العاملين والاقسام وعرفهم بمواعيد الدورات التدريبية .
11- متنساش تحضر ميل وتبععته لكل الموظفين وتهنيهم بالسنه الجديده وعرفهم ان الشركة بدونهم لاقيمه لها وانهم اصحاب النجاح والفضل بعد الله عز وجل .
12-لو عندك اجانب متنساش تقدم الاحصائية والبيان للجهه المختصة راجع قرار 146 لسنه 2019 . و 305 لسنه 2015م..
13 - عرف الموظفين نتائج تقييم اداءهم السنوى ونقاط ضعفهم وكيفيه التغلب عليها ونقاط القوه وكيفيه تطويرها .
14 - متنساش تعمل بيان ذوى الاعاقة وتقدمة للقوى العاملة رغم فى بعض المكاتب لم تستلمه بعد القانون 10 لسنه 2018 .
15- متنساش تقدم شيك التامينات الجديد قبل يوم 15 يناير .
16-لو عندك اطفال تحت سن متنساش تبعت بيان بالعاملين تحت السن .
17- متنساش تجدد شهادات قياس المهاره للفنيين ورخص مزاوله المهنه ..
18- متنساش تحسب معدل دوران العماله واعمل نموذج لحصر المشاكل وكيفيه حلها وكمان متنساش تقيس نسبه رضا الموظفين.
بقلم الاستاذ
ليست هناك تعليقات:
إرسال تعليق